Feta Beesfillet

Feta BeesFillet

Genoeg vir 2-4 mense
Bereiding: 20 minute

Gaarmaaktyd: 15-20 minute
1 kg beesfilet
200 g basilie-en-knoffelpesto
200 g swartpeper-fetakaas, gekrummel
150 ml olyfolie
100 ml balsemieke asyn
3 ml (ruim ½ t) rissievlokkies
sout en peper

  1. Vlek die filet oop en skep die pesto en feta daarin. Vou toe en steek vas met peuselstokkies.
  2. Vryf die filet aan die buitekant met die olyfolie en asyn en geur met die rissievlokkies, sout en peper.
  3. Braai op warm kole tot mediumgaar of tot die feta gesmelt het.
  4. Sit voor saam met braaiaartappels en ’n vars tuinslaai.

Braaibrood Rol

Braaibrood rol

Genoeg vir 6 mense
Bereiding: 30 minute
Gaarmaaktyd: 40-50 minute

30 ml (2 e) koekmeel
1 kg gekoopte deeg
45 ml (3 e) botter, gesmelt
3 knoffelhuisies, fyn gekap
10 ml (2 t) tiemieblare
125 ml (½ k) blokkies gaar spek
125 g sampioene, fyn gekap
1 groen soetrissie, in klein blokkies gesny
125 g ham, fyn gekap
250 ml (1 k) Cheddarkaas, gerasper
1 eier, geklits
30 ml (2 e) olyfolie

  1. Strooi die meel oor ’n skoon werkoppervlak en rol die deeg uit. Smeer botter oor.
  2. Sprinkel die knoffel, tiemie, spek, sampioene, soetrissie, ham en kaas oor die deeg.
  3. Rol die deeg op soos ’n Switserse konfytrol.
  4. Vou die kante in en verf die rol met eier.
  5. Smeer ’n stuk foelie met die olie, bedek die rol met die foelie en bak die brood op matige kole tot gaar en goudbruin.